Pantaila handian jolastu nahi baduzu klikatu hemen

TXANOGORRITXO

      Hona hemen guk sortutako Txanogorritxoren parodia bat txontxongiloen bidez antzeztua:

 

Pertsonaiak

Amona eta ama: Garazi Lizarralde
Txanogorritxo: Alexandra Ibañez
Otsoa eta ehiztaria: Amaia Oar

Webquest

Baserriko Animaliak

Muuuuuuuuuuuuuuuuuuuuu!

Seme-Alabak eta Euskara: AHOLKUAK

    Axular Lizeoak Hezkuntza ezin hobea eskaintzeaz gain, haur eta gurasoen arteko harremanak zendotzen eta hauek ematen dieten heziketa ahalik eta hoberena izate,n laguntzeko, aholkuak eskaintzen dizkie. Honakoak  dira semel-alabei euskararekin harreman on bat izaten laguntzeko Axularreko Kultur taldeak ematen dituen aholkuak:

ZER EGIN

EUSKARAZ HITZ EGIN

    Gurasoak sema-alaben eredua edo ejenplua zarete. Oso garrantzitsua da euskaraz dakien bikotekideak haurrari euskaraz egitea:

• Gure hizkuntza delako.
• Euskara jasotzeko modurik naturalena, errazena eta eragingarriena delako.
• Euskara aberatsa ziurtatzeko oinarrizkoa delako.

EUSKARA ESKAINI ETA ESKATU

    Haurrak zaintzeko beste norbaiten laguntza baduzue (haur zaintzaileak, aitona-amonak...), ziurtatu haurrarekin euskaraz egiten dutela. Gauza bera, eskolaz kanpoko edozein ekintzatan (kirola, musika, dantza...).

ZER EZ EGIN

EUSKARAZ UMEAREKIN BAKARRIK EGIN

   “Zer ikusi, hura ikasi” dio esaerak. Haurrak euskara umeentzat bakarrik dela ikusten badu, hain ume ez denean ere jokaera hori ontzat eman dezake.

LASAI, ESKOLAN IKASIKO DU

    Haurrak euskara jasotzeko eta erabiltzeko ardura ezin zaio eskolari bakarrik utzi. Gauzak ongi egiten hasteko, etxetik eta ongi egiten hastea da onena.

NOLA HOBETU

EUSKARAZ EGINEZ 

    Oinarrizkoa da euskaraz dakien bikotekideak haurrari euskaraz egitea.

MOTIBATUZ 

   Bideak jarri haurrak euskaraz egiteko ohitura har dezan, eta babestu eta indartu haren ahalegina.

ZERORI 

    Hasieran, haurrarekin harremanak ahoz izaten dira gehienbat. Ondoren, pixkanaka, idatzizkoa ere izaten hasten da (etxeko lanak egiten laguntzeko...). Haurrarentzat lagungarri izango da zu euskaran alfabetatua egotea, eta zuretzat, berriz, oso esker onekoa.

Axularreko Kultur Taldea

http://www.axular.net/axular/dm/artikulu-orokorrak.asp?nombre=572&hoja=0&sesion=14

KIROLA BARRA-BARRA!!

     Axularreko estraeskolarretatik haur gehien parte hartzen dutena, kirola da eta horregatik, ikastolak honekiko ematen duen erantzuna ere oso handia da.

     

     LH1-etik hasieta, ikasleek kirola egiteko aukera izaten dute.  Lehenengo bi urteetan, larunbat goizetan ikastolan bertan denen artean kirol eta jolas ezberdinak egiten dituzte, beraien adinerako konpetiziorik ez baita existitzen.

     LH3-tik aurrera, astean bi egunetan ordu betez entrenatzen hasten dira haurrak eta larunbat goizetan, partiduak jolasten dituzte donostiako beste ikastola batzuetako umeen aurka.  Hiruhilabete batean saskibaloia eta beste batean futbola lantzen dute.  Hirugarrenean berriz, errugbia, mahai tenisa... praktikatzen dituzte asteburuetan.

     Kirola egitera apuntatzen direnak, egunero joatera konprometitzen dira, taldekideenganako errespetau erakutsiz.

     Adinean gora egiten duten neurrian, entrenamenduak luzatuz joango dira eta horrela, DBH1-2koek ordu terdiko entrenamenduak burutzen dituzte eta aurten lehenengo aldiz federatuen ekipoak atera eta hiru egunez entrenatzen ari dira.

     Umeen erantzuna ikusirik, astearteetan entrenamendu espezifikoak jartzea erabaki zen duela bi urte.  Bertan, LH1etik DBH2rako ikasleei adinka astebeteko entrenamendu gehigarria eskaintzen zaie.

     Horrez gain, LH6ko ikasleek hamabost egunetik behin, igandeetan, teknifikazioa egiten dute.  Bertan entrenamenduak izaten dituzte eta partiduak jolasten dituzte txapelketa batean.

     Jarraian, ikasle guztien entrenamendu egunak azaltzen dizkizuegu taula batean:

Kirol entrenamenduak 2010-11

NESKAK - MUTILAK

LH 3 A-B	Asteartea - Osteguna	17:00	Axular
LH 4 A-B	Astelehena - Asteazkena	17:00	Axular
LH 3 A-B	Astelehena - Osteguna	17:00	Axular
LH 4 A-B	Astelehena - Asteazkena	17:00	Axular
LH 5 A-B	Asteartea - Ostirala	17:00	Axular
LH 6 A-B	Asteartea - Osteguna	17:00	Axular
LH 5	Asteazkena - Ostirala	17:00	Axular
LH 5	Asteazkena - Ostirala	17:00	Axular
LH 6 A	Asteazkena - Ostirala	17:00	Jolas/Axular
LH 6 B	Asteartea - Osteguna	17:00	Jolas/Axular
DBH 1	Astelehena - Osteguna	17:30-19:00	Axular Saski
DBH 2	Asteazkena - Ostirala	17:30-19:00	Axular Saski
DBH 1	Astelehena - Osteguna	17:30-19:00	Axular Saski
DBH 2	Asteazkena - Ostirala	17:30-19:00	Axular Saski
DBH 3	Astelehena - Asteazkena - Ostirala	19:00-20:30	Axular Saski
DBH 3	Astelehena - Asteazkena - Ostirala	19:00-20:30	Axular Saski

      Jokatu diren azken partiden emaitzak, sailkapenak eta hurrengo partiden leku eta orduak jakiteko kirolak.net-en kontsultatu dezakezue.

ELEANITZ PROIEKTUA

Zertan datza Eleanitz Proiektua?

         Zentroko lehen hizkuntza den Euskararen irakaskuntzan, baita gaztelera eta beste bi hizkuntzen irakaskuntzan ere.

METODOLOGIA:
 

     HIZKUNTZEN TRATAERA INTEGRATUA CURRICULUMEAN HEZKUNTZAREN IKUSPEGI ERAIKITZAILEA KOMUNIKAZIOA eta JABETZE PROZESUA“Hizkuntzak ez dira ikasten lehendabizi eta erabiltzen gero; hizkuntzak erabiltzearen indarraz barneratzen dira” J.M. Artigal

     ETA HAU GUZTIA NOLA LORTU?Prozesu sistematikoa Ikastolako hizkuntza nagusian (euskaran).

• Beste hizkuntzetan ikasia aplikatzeko eta orokortzeko aukerak emanda.
• Gure ikasleek lehenengo egunetik, beren ama hizkuntza edozein izanda ere, lehenengo egunetik euskaraz ikasten dute.
• Lau urterekin ingelesa ikasten hasten dira.
• Zortzi urterekin gaztelera ikasgai gisa dute.
• Hamabi urterekin frantsesa dute aukerazko hizkuntza.
• Hamalau urterekin ikasgai oso bat ingelesez ematen hasten dira.
• Batxilerrean eskola ordu batzuk ingelesez ematen dira Filosofian, Biologia-Geologian eta Ekonomian lehenengo mailan eta Kimika, Biologia, Geografia eta Ekonomian 2. mailan.

Ikastolen Eleanitz proiektuak sari europearra merezi izan du.

http://axular.net/axular/de/eleanitz.asp?cod=886&nombre=886&nodo=&orden=True&sesion=14

EUSKARAZ BIZI!

     Euskaraz Bizi Partaidek bultzatutako eta Ikastolek barneratutako kanpaina da. Bere helburua ez bakarrik eskola-jardueretan, baizik eta bizitzaren egoera guztietan euskararen erabilpena bultzatzea da Ikastola bakoitzaren ingurune soziolinguistikoaren azterketatik abiatuta (gurasoen hizkuntza-profila, auzoa, komunikabideak, haurren hizkuntza-joerak...), guraso, irakasle, ikasle eta erakundeak inplikatzen dituzten ekintzak antolatzen dituzte.

     Gaur egun Ikastolek euskara ikasle guztien kultur hizkuntza izatea bermatzen badute ere, lagunen taldeek, familiak edo eta mass mediek eragin handia dute ikasleengan. Hori dela eta, Euskaraz Bizi kanpainak egoera guztietan euskararen erabilpena indartu eta ikasleak hizkuntzaren erregistro guztiak menpera ditzala ziurtatzea du helburu.

     Argitxo,  lehen unetik euskararekin eta oro har haurren bizitza osoarekin loturik aurkezten dute eta haurtzaro guztian zehar iraungo duen erlazio hau ikaslearen bizitzako eremu guztietara iritsiko da. Euskal mitologiarekin erlazionaturik dago eta, tokian tokiko egokitzapenak izaten baditu ere, elementu bateratu eta antzeko hauetan oinarritzen da:

• Menditik/basotik dator.
• Euskararekin bat eginda dago.
• Ikastolan lagun handiak egin nahi ditu.
• Lagun horiekin batera euskara bizirik mantendu nahi du: ikasgelan, jolastokian, autobusean, jangelan, etxean, herriko parkean...

     Edozein pertsonaia mitikok bezala, erabiltzen duten irakasleen iritziz, Argitxok ere eragin indartsua sortzen du.

      Hori dela eta, ezinbestekoa da harreman horretatik beldurra, izua eta kezka sor dezakeen guztia saihestea eta hurbiltasunak dakarren harreman ona eta maitasuna indartzea. Argitxoren ahotik ez da inoiz indarkeriazko, beldurrezko eta zigor itxurako ezer inoiz aterak. Aldiz, beti-beti esaldi positiboak adieraziko ditu. Alegia, animatzera eta lagun izatera datorren iratxo magikoa dugu.

Hona hemen erabiltzen den abestia:

http://www.goear.com/listen/43c5a36/argitxoren-abestia-mutila-argitxo

Ikastolan horma hau ikus dezakegu:

 Honako hau ordea, bere argazki bat:

http://axular.net/axular/de/euskaraz-bizi.asp?cod=887&nombre=887&nodo=&orden=True&sesion=14

IRTEERAK

      Hiru hilabetero bezala, hirugarren honetan ere hainbat irteera eta ekintza burutuko dituzte Haur Hezkuntzako 4 urteko umeek:

    -    Maiatzaren 5ean, Aquarium-era txangoa egingo dute, garatzen ari diren Ura gaiaren inguruko ekintza gisa

-    Maiatzaren 20ean, D.B.H. 2. mailakoekin kurtsoko bigarren elkarketa egingo dute 

-    Maiatzaren 27an, Cristina Eneara joango dira bi gelako umeak "Zaborrontxo gaixo dago" jarduera lantzera eta Marrubitxo iratxoarekin ibilalditxo gidatu bat egitera

 -    Ekainaren 16 eta 17an, 5 urteko ikasleekin batera, Oriora joango dira gau batez lo egitera

-    Ekintza horietaz gain, musika tresnak ezagutzeko saio bat eta txontxongilo saio bat antolatuko dira, baina oraindik datak ez daude finkaturik







Informazio hau, Axularreko irakasleek eskaini digute.

AXULAR LIZEOKO DANBORRADA

  Ikastolak Haur Danborradan lehenengo aldiz 1987. urtean parte hartu zuen. Urte bete beranduago Jeneral (Alberto Navarro) eta Erregina (Idoia Etxeberria) karguak egokitu zitzaizkion. 2005. urtean Haur Danborrada osoaren Danbor Nagusia gure ikaslea den Vanessa Carton izan da.

Haur Danborradaren konpainien desfile-ordena

  Helduen Danborrada 1999. urtean sortu zen. Danbor, upel eta ur-banatzaileen konpania mistoa dugu. 2003an militar uniformeak estrenatu ziren, Erregearen Infanteria Erregimentu Amerikarreko uniformeetan oinarrituak haurrenak bezalaxe. Danbor Nagusia Jesús Claramunt da.

    Urtarrilaren 20an ospatzen da, 17:00etatik 21:00ak arte. Bere ibilbidea hauxe da: Axular Lizeoa - Errondo Gaina - Saint Etienne Taberna - Etxadi - Borroto Plaza - Aieteko Parkea - Jubilatuen Egoitza - Jolas Toki - Borroto Ibilbidea - Etxadi Kluba.

 

Danborradari buruzko link interesgarriak:

Historia

Argazkiak

Uniformeak

http://axular.net/axular/dm/artikulu-orokorrak.asp?nombre=572&hoja=0&sesion=14

BADATOR AXULARREKO ZIRKUA!!

     Axular lizeoan praktikak egiten egon nintzenean, 4 urteko gelako haurrek zirku bat sortu zuten.  Azken zirku emanaldia egin arte, lan handia egin behar izan zuten bi astetan zehar.  Lehenik eta behin, zein pertsonaia zeuden jakinda, bakoitzak burutu nahi zuen pertsonaia aukeratu zuen eta arraroa iruditu arren, beraiek bakarrik ados jarri ziren hasieran talde aldaketa batzuk egin behar izan ziren arren.

     Zirkuan agertzen diren pertsonaiak ondorengoak dira: 2 aurkezle, tximinoak, elefanteak eta lehoiak bakoitza bere domatzaileekin, eta pailazoak.  Pertsonaiak aukeraturik egonda, bakoitzak bere kareta margotu eta moztu zuen eta horrekin batera, eszenatokiaren atzealdean jarriko zen marrazkia tenperekin margotu zuten denen artean.  Ondoren, txiste eta asmakizunak sortzen aritu ginen pailazoek emanaldian esan zitzaten.

     Dena prest zegoela, entseguekin hasi ginen eta lan izugarri egin zuten denek.  Gustura zeudela ikusten zen eta lan eta lan aritu ziren etengabe.  Isiltasunean egoten ziren gainontzekoak hitz egiten zeudenean eta horri esker, azken emaitza izugarri izan da.

     Jarraian, ikuskizunaren bideoa ikusi ahal izango duzue, lan gogorraren ondoren umeek hain gustura egin zuten zirku emanaldia...  Espero dugu zuen gustukoa izatea!!

Hona hemen bideoa:

EGUTEGIA

    Beheko dokumentuak 2010-11 ikasturteko egutegia dauka. Ikasturtea irailaren 9an hasi zen eta irailaren 15era arte ordutegia goizekoa izan zen, 8:55-12:25. Hortik aurrera, goiz eta arratsaldekoa: 8:55-12:25 eta 14:55-16:55.
 

    Haur Hezkuntzako ikasleentzat jangela zerbitzua umeak goizez bakarrik joaten direnean hau da irailaren 9ik 15era bitartean, egon daiteke gurasoek hala nahi badute. Epe horretan haurrak Ikastolan 15:00ak arte egon ahal izango dira.

http://axular.net/axular/de/egutegiak.asp?cod=589&nombre=589&nodo=&orden=True&sesion=14

ESKOLAZ KANPOKOAK

   Axular Lizeoan, eskolaz kanpoko jarduera dexente egiten dira. Honako hauek haur hezkuntzako umeei zuzenduak dira:

 

Musika: 4 urterekin asten dira, astean bi egunetan egiten dute eta klase bakoitza ordu erdikoa da.

Ipuin kontalaria: 4 eta 5 urteko ikasleentzat ipuinak asteartean 12:30etatik 13:30ak bitartean 4 urteko gelan.

Haurrak beti jolasean: Jolas kolaboratiboen bidez sormena eta garapen morala estimulatzen duen ekintza ludikoa.

• 4 urte Astelehen, asteazken eta ostiraletan 12:25-13:25 Bideo gela eta 3 urteko gela
• 5 urte Astelehen, astearte eta ostegunetan 14:00-15:00 3 urteko gela

Judoa: 5 urteko umeentzat astelehena eta asteazkenetan 17:00etatik 18:00ak arte

Euskal dantza: 5 urte Asteazkena-ostirala 12:25-13:15

Gimnasia erritmikoa: 5 urte astearte eta osteguna 12:25-13:15 

http://axular.net/axular/dm/eskolaz-kanpokoak.asp?nombre=546&hoja=0&sesion=14 

JANGELA

  Axular Lizeoak zerbitzu ugari eskaintzen ditu bere ikasleentzat eta horietatik erabilienetariko bat, jangela da.

   Haur guztiek batera bazkaltzeko lekurik ez dagoenez, txanda ezberdinak dituzte adin bakoitzeko. Horrela izanik eta maila bakoitzean ordutegi ezberdinak dituztenez ondorengoa da bakoitzaren jangela ordutegia:

- 11:20etan 2 urteko umeak

- 12:10etan DBH 2. Zikloa

- 12:30etan 3, 4 urteko umeak eta Batxilegoa

- 13:05etan 5 urteko umeak eta Lehen Hezkuntzako 1., 2. eta 3. maila

- 13:35etan Lehen Hezkuntzako 4. eta 5. maila

- 13:45etan LH 6. maila

- 14:05etan DBH 1. maila

- 14:10etan DBH 2. maila

   Txikienei, bazkaria mahaian bertan ematen diete jangelako langileek bandejetan eta handiagoek berriz, ilara batean itxaron behar dute. Bandeja eta mahai tresnak hartu eta langileen aurretik pasa behar dira beraiek janaria emateko. Ondoren mahaietan lekua hartu behar dute eta bata bestearen ondoan eseri. Amaitzean, bakoitzak bere bandeja eta edalontzia jaso behar du soberakinak zaborretara bota eta berziklatuz.

   Auzolagun enpresak ekartzen du egunero janaria ikastolara eta menu anitz bat eskaintzen da. Ondoren, eguneroko menua eskainiko dizuegu etxeko eta ikastolako janariaren artean elikadura orekatu bat lortzea errazagoa izan dadin:

- Apirilak 1, ostirala:

Kiribilak tomatearekin

Solomo ragouta barazkitxoekin

Fruta

- Apirilak 4, Astelehena

Lekak olio errearekin

Legatz xerra erromatar erara mahonesarekin

Actimela

- Apirilak 5, asteartea

Dilista erregosiak

York urdaiazpikoa eta gazta kroketekin

Fruta

- Apirilak 6, asteazkena

Arroza tomatearekin

Oilasko izterra letxugarekin

Frutazko krema

- Apirilak 7, osteguna

Barazki krema

Eskalopea milanesa erara patata frijituekin

Natilak

- Apirilak 8, ostirala

Babarrun zuriak barazkiekin

Palometa arraina tomate saltsarekin

Fruta

- Apirilak 11, astelehena,

Azenario krema

Txahal albondigak saltsan barazkitxoekin

Jogurta

- Apirilak 12, asteartea

Makarroiak tomate eta gaztarekin

Atunezko enpanadilak letxugarekin

Fruta

- Apirilak 13, asteazkena

Txitxirioak espinakekin

Legatza saltsa berdean ilarrekin

Fruta

- Apirilak 14, osteguna

Marmitakoa

Txahal xerra letxugarekin

Jogurta

- Apirilak 15, ostirala

Barazki menestra

Bularkia barrengorri saltsan

Fruta

   Ikasleek gaixotasun edota behar berezirenbat izanez gero, menu bereziak eskaintzen dira. Haurrek egun-pasako irteerarenbat edukitzen dutenean, picnic-a eskaintzen zaie bi bokadilo ura eta postrearekin.

   Zerbitzu honi esker, haurrek denetarik jaten ikasten dute eta lagunekin bazkalduz sozializazio arauak ikasi.

 
http://axular.net/axular/dm/jangela.asp?nombre=652&hoja=0&sesion=14

SARRERA

kaixo!

Garazi Lizarralde, Amaia Oar eta Alexandra Ibañez gara. Magisteritza 3. maila burutzen ari gara Gasteizeko irakasle eskolan.

IKT-ak lantzen ditugun lehenengo aldia denez, ahalik eta hoberen egiten saiatuko gara. Blog honetan zenbait lan eta informazio desberdina jarriko ditugu. Espero dugu gustatzea eta baliagarria izatea!

Hurrengo bat arte!